کراچی (اسٹاف رپورٹر) — گورنر سندھ کامران خان ٹیسوری سے شیخہ لطیفہ محمد کی مشیر اور اے۔ ایف۔ اے۔ کیو (AFAQ) گروپ دبئی کی پارٹنر عائشہ اے۔ سید نے ملاقات کی۔ ملاقات میں آغا خان یونیورسٹی اسپتال کے ڈین ڈاکٹر عادل حیدر بھی شریک تھے۔
نارتھ ناظم آباد میں لرزہ خیز واقعہ، سفاک باپ نے دو کمسن بیٹیوں کو قتل کردیا
ملاقات کے دوران مصنوعی ذہانت (AI)، طبی تحقیق اور سائنس و ٹیکنالوجی میں جدت کے فروغ پر تفصیلی تبادلہ خیال کیا گیا۔
عائشہ اے۔ سید نے دبئی میں جاری ترقیاتی منصوبوں اور انسانی فلاح و بہبود سے متعلق اقدامات پر گورنر سندھ کو تفصیلی بریفنگ دی۔
گورنر سندھ کامران خان ٹیسوری نے کہا کہ پاکستان اور دبئی کے درمیان سماجی اور تکنیکی شعبوں میں تعاون کا فروغ وقت کی اہم ضرورت ہے۔
عائشہ اے۔ سید نے گورنر ہاؤس میں جاری ایڈوانسڈ اے آئی کورسز کے طلبہ سے ملاقات کی، جنہیں جدید ٹیکنالوجی سے آراستہ کیا جا رہا ہے۔
گورنر سندھ نے کہا کہ یہ نوجوان خودمختاری کی راہ پر گامزن ہو کر اپنے خاندانوں کی معاشی ترقی میں اہم کردار ادا کر رہے ہیں، جبکہ متعدد نوجوان غیر ملکی کمپنیوں کے ساتھ آن لائن کام کر کے ڈالرز میں آمدنی حاصل کر رہے ہیں۔
اس موقع پر عائشہ اے۔ سید نے "امید کی گھنٹی” بجا کر خوشگوار حیرت اور اطمینان کا اظہار کیا۔ انہوں نے کہا کہ "امید کی گھنٹی” عوامی مسائل کے فوری حل کے لیے نہایت مؤثر اقدام ہے۔