باکو (آذربائیجان): پاکستان کے پہلوان محمد عبد الرحمٰن نے ’’سی آئی ایس گیمز 2025‘‘ میں شاندار کارکردگی کا مظاہرہ کرتے ہوئے ریسلنگ کی 65 کلوگرام کیٹیگری میں برانز میڈل اپنے نام کر لیا۔
ٹرمپ کے ایچ ون-بی ویزا فیس حکم کے خلاف اتحاد کا مقدمہ دائر
تفصیلات کے مطابق اس ایونٹ میں دنیا کے نامور ریسلنگ ممالک روس، بیلاروس، آذربائیجان، ازبکستان اور ترکمانستان شریک تھے۔ محمد عبد الرحمٰن نے بیلاروس اور ترکمانستان کے پہلوانوں کو شکست دے کر پاکستان کے لیے یہ اعزاز حاصل کیا۔
صدر پاکستان ریسلنگ فیڈریشن ارشد ستار نے کہا کہ ہم پاکستان اسپورٹس بورڈ کے مشکور ہیں جنہوں نے ریسلنگ کو دیگر کھیلوں میں ترجیح دی۔ ان کے مطابق پاکستانی ریسلرز نے اس اعتماد پر پورا اترتے ہوئے اپنی کارکردگی سے دنیا کو دکھا دیا کہ وہ عالمی سطح پر کسی سے کم نہیں۔
پاکستان ریسلنگ فیڈریشن کے جنرل سیکریٹری انعام بٹ نے بھی پہلوان محمد عبد الرحمٰن، کوچ فرید علی اور ان کے اہلِ خانہ کو مبارکباد پیش کی۔ انہوں نے کہا کہ فیڈریشن کا فوکس یوتھ پر ہے اور آئندہ ایشین یوتھ گیمز میں بھی ملک و قوم کا نام مزید روشن کیا جائے گا۔