کالعدم بلوچستان لبریشن آرمی (بی ایل اے) کی ذیلی تنظیم مجید بریگیڈ کا کمانڈر اور جعفر ایکسپریس حملے کا ماسٹر مائنڈ گل رحمٰن عرف استاد مرید افغانستان میں پراسرار طور پر ہلاک ہوگیا۔ بھارتی میڈیا کے مطابق دہشت گرد کو 17 ستمبر کو صوبہ ہلمند میں مارا گیا۔
وفاقی وزیر صحت مصطفیٰ کمال کی صاحبزادی کو سروائیکل کینسر ویکسین، پروپیگنڈے کو مسترد کر دیا
ذرائع کا کہنا ہے کہ گل رحمٰن کی ہلاکت اس امر کا ثبوت ہے کہ افغان سرزمین پاکستان میں دہشت گردی کے لیے استعمال ہو رہی ہے۔ گل رحمٰن فتنہ الہندوستان (مجید بریگیڈ) کا ٹرینر اور آپریشنل کمانڈر تھا اور وہ پاکستانی سیکیورٹی فورسز، چینی شہریوں، معصوم شہریوں اور اہم تنصیبات پر حملوں میں ملوث رہا ہے۔
فتنہ الہندوستان کے دہشت گردوں نے جعفر ایکسپریس، کراچی میں چینی قونصلیٹ، گوادر کے پرل کانٹینینٹل ہوٹل، خضدار اسکول بس، کراچی کنفیوشس انسٹی ٹیوٹ، پاکستان اسٹاک ایکسچینج اور کوئٹہ ریلوے اسٹیشن پر دہشت گردی کی کارروائیاں کیں۔
واضح رہے کہ امریکا مجید بریگیڈ کو عالمی دہشت گرد تنظیم قرار دے چکا ہے جبکہ پاکستان اور چین نے بھی اس گروہ کو اقوام متحدہ کی دہشت گرد تنظیموں کی فہرست میں شامل کرنے کا مطالبہ کر رکھا ہے۔