لاہور — اداکارہ مومنہ اقبال نے کہا ہے کہ آج کل کے مرد اپنے رویوں میں ناراض عورتوں کی طرح نظر آتے ہیں، کیونکہ خواتین کے ناز نخرے اٹھاتے اٹھاتے وہ اپنی اصل شخصیت برقرار نہیں رکھ پا رہے۔
ایشیا کپ: سری لنکا نے افغانستان کو 6 وکٹوں سے ہرایا، سپر فور میں جگہ بنالی
’فوشیا میگزین‘ کو دیے گئے انٹرویو میں مومنہ اقبال نے ذاتی زندگی، تعلقات اور محبت کے بارے میں کھل کر بات کی۔ ان کا کہنا تھا کہ ان کے چھوٹے بہن بھائی ان سے بے پناہ محبت کرتے ہیں اور خاص طور پر ان کا چھوٹا بھائی ان کا بہت خیال رکھتا ہے۔
اداکارہ نے بتایا کہ ایک موقع پر جب وہ ڈپریشن کا شکار تھیں تو بھائی ان کے لیے گجرے لے کر آیا جس پر وہ بہت خوش ہوئیں۔ انہوں نے کہا کہ بھائی اتنی عزت اور محبت دیتے ہیں کہ شادی کے لیے کسی شخص کو پسند کرنا ان کے لیے مشکل ہو گیا ہے۔
مومنہ اقبال نے کہا کہ ان کا بھائی صرف 19 سال کا ہے لیکن وہ انہیں گاڑی میں بٹھاتے وقت دروازہ کھولنے جیسے چھوٹے چھوٹے انداز میں عزت دیتا ہے۔ "اکثر میں مذاق میں کہہ دیتی ہوں کہ شاید میری شادی نہ ہو سکے کیونکہ بھائیوں نے مجھے بہت پروٹوکول دیا ہے اور یہ عادت انہیں والد سے ملی ہے۔”
محبت کے بارے میں گفتگو کرتے ہوئے اداکارہ نے بتایا کہ انہیں زندگی میں ایک بار شدید محبت ہوئی تھی لیکن وہ رشتہ کچھ وجوہات کی بنا پر ختم ہوگیا۔ اب وہ دوبارہ محبت نہیں کر پاتیں کیونکہ ان کے مطابق اگر سامنے والا کمظرف ہو تو رشتہ زیادہ دیر چل نہیں سکتا۔
ان کا کہنا تھا کہ آج کی خواتین نے مردوں کو مرد رہنے نہیں دیا، اسی لیے اب اکثر مرد بھی ناراض عورتوں جیسا رویہ اپنا لیتے ہیں۔