وزیر اعظم شہباز شریف کی صدارت میں وفاقی کابینہ کا خصوصی اجلاس جاری ہے، جس میں آئینی ترامیم کے بل کی منظوری دی جائے گی۔ اجلاس میں شامل تمام وزرا پارلیمنٹ میں وزیر اعظم کے چیمبر میں پہنچ چکے ہیں۔
آئینی ترمیم پر حکومت سے کوئی بڑا اختلاف نہیں رہا، مولانا فضل الرحمٰن
ڈان نیوز کے مطابق، قبل ازیں سینیٹ کا اجلاس تین گھنٹے کی تاخیر سے شروع ہوا اور پھر آدھے گھنٹے کا وقفہ بھی کردیا گیا۔ اسی طرح قومی اسمبلی کا اجلاس رسمی کارروائی کے بعد کل صبح ساڑھے 11 بجے تک کے لیے ملتوی کر دیا گیا۔
امکان ہے کہ آئینی ترامیم کا بل آج رات ہی سینیٹ میں پیش کیا جائے گا، جس کا مقصد حکومت کے اہم قانون سازی ایجنڈے کو آگے بڑھانا ہے۔