ایف آئی اے امیگریشن کراچی نے جعلی دستاویزات پر سفر کرنے کی کوشش کرنے والے دو مسافروں کو گرفتار کر لیا ہے۔ گرفتار ہونے والوں کی شناخت قربان علی اور محمد تہران کے نام سے ہوئی ہے، جنہوں نے پاکستانی پاسپورٹ پر جنوبی افریقہ جانے کی کوشش کی۔
کمشنر کراچی حسن نقوی کی صدارت میں انسدادِ تجاوزات کا اجلاس، کارروائیوں کا آغاز
ذرائع کے مطابق، مسافروں کی جانب سے پیش کیے جانے والے جنوبی افریقہ کے ویزے جعلی تھے۔ ایف آئی اے امیگریشن سکینڈ لائن آفس کی رپورٹ کے مطابق بھی یہ ویزے جعلی پائے گئے، جبکہ سکینڈ لائن آفس کی فرانزک رپورٹ میں ویزوں میں موجود خفیہ خصوصیات کا فقدان بھی سامنے آیا۔
ملزمان کا تعلق حیدر آباد سے ہے اور انہیں مزید قانونی کارروائی کے لیے انسدادِ انسانی سمگلنگ سرکل کراچی منتقل کر دیا گیا ہے۔
