چیئرمین جوائنٹ چیفس آف اسٹاف کمیٹی جنرل ساحر شمشاد نے وفد کے ہمراہ آذربائیجان کا دورہ کیا جہاں وزیر دفاع نے ان کا استقبال کیا۔
مہارت نیوز کے مطابق آذربائیجان کے وزیردفاع نے جنرل ساحر شمشاد اور وفد کا استقبال کیا، استقبالیہ تقریب میں چیئرمین جوائنٹ چیفس آف اسٹاف کمیٹی کو گارڈ آف آنر پیش کیا گیا اور دونوں ممالک کے ترانے بجائے گئے۔
کسانوں سے گندم نہ خریدنے پر اپنوں اور غیروں کی تنقید سننے کو ملی، مریم نواز
چیئرمین جوائنٹ چیفس آف اسٹاف کمیٹی کی زیر صدارت وفد نے یادگار شہدا پر حاضری دی، وفد نے آذربائیجان کی آزادی کے لیے جان نچھاور کرنے والوں کو خراج عقیدت پیش کیا۔
جنرل ساحر شمشاد مرزا نے پاکستان اور آذربائیجان ملٹری تعلقات کو ناگزیر قرار دیا جب کہ آذربائیجان کے وزیر دفاع نے باہمی تعلقات کو مزید مضبوط بنانے کی خواہش کا اظہار کیا۔