اسلام آباد (اسٹاف رپورٹر) — وزیراعظم شہباز شریف سے چیف آف دی ایئر اسٹاف ایئرچیف مارشل ظہیر احمد بابر سدھو نے ملاقات کی۔ ملاقات میں پاک فضائیہ کے پیشہ وارانہ امور اور دفاع وطن کے حوالے سے تفصیلی تبادلہ خیال کیا گیا۔
وزیراعظم شہباز شریف نے اس موقع پر کہا کہ وطن عزیز کے دفاع اور سلامتی میں پاک فضائیہ کا کردار ناقابل فراموش ہے۔ انہوں نے کہا کہ "پاک فضائیہ کے شاہین سیسہ پلائی دیوار کی مانند ہیں، جنہوں نے معرکۂ حق میں دشمن کے طیارے گرا کر کاری ضرب لگائی اور اپنی بہادری کی روشن مثال قائم کی۔”
وزیراعظم نے پاک فضائیہ کی قربانیوں اور پیشہ ورانہ صلاحیتوں کو سراہتے ہوئے کہا کہ پوری قوم اپنے غیور شاہینوں پر فخر کرتی ہے۔