اقوامِ متحدہ کے سیکریٹری جنرل انتونیو گوتریس نے پاکستان اور بھارت میں حالیہ تباہ کن سیلابوں کے نتیجے میں ہونے والے جانی نقصان پر گہرے دکھ اور افسوس کا اظہار کیا ہے۔ ترجمان اسٹیفن دوجارک کے مطابق سیکریٹری جنرل نے متاثرہ خاندانوں سے دلی تعزیت کرتے ہوئے کہا کہ اقوام متحدہ متاثرین کے ساتھ مکمل یکجہتی کا اظہار کرتا ہے اور اگر حکومتوں کی جانب سے درخواست کی گئی تو ہر ممکن مدد فراہم کرنے کے لیے تیار ہے۔
پارلیمانی کمیٹیوں کا این ایچ اے پر مبینہ جعلی ٹینڈرنگ اور بے ضابطگیوں پر شدید اعتراض
خیبرپختونخوا میں صرف دو دن کی شدید بارشوں کے باعث 323 افراد جاں بحق ہوچکے ہیں جبکہ ملک بھر میں اموات کی تعداد بڑھ کر 657 تک پہنچ گئی ہے۔ یاد رہے کہ 2022 میں بھی انتونیو گوتریس نے پاکستان کا خصوصی دورہ کیا تھا اور سندھ و بلوچستان کے سیلاب سے متاثرہ علاقوں کا جائزہ لیا تھا۔
ادھر پوپ لیو چہار دہم نے بھی پاکستان، بھارت اور نیپال کے متاثرین کے لیے دعائیں کیں اور کہا کہ وہ اس آفت سے متاثرہ عوام اور ان کے اہل خانہ کے ساتھ ہمدردی رکھتے ہیں۔ انہوں نے کہا کہ وہ ان سب کے لیے دعا گو ہیں جو اس قدرتی آفت کی وجہ سے مشکلات اور تکالیف کا شکار ہیں۔