کراچی: تیموریہ تھانے کی شاہین فورس نے ایک کارروائی کے دوران ٹریفک سگنلز اور مارکیٹوں میں سرگرم چور بچوں کا گروہ گرفتار کرلیا، جو کتابیں، پین، کاپیاں اور تختیاں بیچنے کے بہانے شہریوں سے موبائل فون، والٹ اور دیگر قیمتی اشیاء چراتا تھا۔
جنرل ساحر شمشاد مرزا سے سعودی عسکری وفد کی ملاقات، علاقائی سیکیورٹی و دفاعی تعاون پر تبادلہ خیال
ترجمان ایس ایس پی ڈسٹرکٹ سینٹرل ذیشان شفیق صدیقی کے مطابق، گرفتار کیے گئے کم عمر لڑکے اور جوان العمر افراد پر مشتمل یہ گروہ کراچی کے مختلف علاقوں میں سگنلز، مارکیٹوں اور شاپنگ سینٹرز کے قریب شہریوں کو نشانہ بناتا تھا۔
واردات کا طریقہ کار:
چور بچوں کا گینگ اجتماعی طور پر کارروائی کرتا تھا، جن میں سے کچھ بچے شہریوں کو باتوں میں الجھاتے جبکہ دیگر ان کے موبائل فون، پرس، نقدی اور بیگ چرا لیتے تھے۔
واردات کے بعد یہ لوگ مسروقہ سامان ایک مخصوص جگہ پر ڈمپ کرتے اور فوری طور پر اگلی واردات میں لگ جاتے تھے۔
پولیس کی کارروائی:
شاہین فورس کے اہلکاروں نے مشکوک سرگرمیوں پر نظر رکھتے ہوئے کارروائی کی اور رنگے ہاتھوں چوری کرتے ہوئے بچوں کے گروہ کو گرفتار کیا۔
پولیس کا کہنا ہے کہ گروہ کے دیگر افراد کی تلاش جاری ہے، جبکہ گرفتار بچوں سے تفتیش کی جا رہی ہے۔
شہریوں کے لیے تنبیہ:
ایس ایس پی سینٹرل نے شہریوں سے اپیل کی ہے کہ ٹریفک سگنلز اور عوامی مقامات پر محتاط رہیں اور اپنے موبائل فون، والٹ اور دیگر قیمتی اشیاء پر کڑی نظر رکھیں، خاص طور پر بظاہر معصوم نظر آنے والے بچوں سے ہوشیار رہیں۔