سیالکوٹ: 04 جون 2025 — ایئرپورٹ سیکیورٹی فورس (ASF) نے سیالکوٹ انٹرنیشنل ایئرپورٹ پر بڑی کارروائی کرتے ہوئے دبئی جانے والے مسافر سے 1.624 کلوگرام آئس ہیروئن برآمد کر کے اسمگلنگ کی کوشش ناکام بنا دی۔
تفصیلات کے مطابق، مسافر محمد شیراز نے منشیات کو نہایت مہارت سے ایک کارٹن میں رکھی کافی مشین کے اسٹیل کیبن میں چھپا رکھا تھا۔ تاہم اے ایس ایف کے مستعد عملے نے دورانِ چیکنگ مشتبہ سامان کی تفصیلی تلاشی لی، جس کے نتیجے میں منشیات برآمد ہوئی۔
ابتدائی تفتیش کے بعد ملزم کو برآمد شدہ آئس ہیروئن سمیت انسدادِ منشیات فورس (ANF) کے حوالے کر دیا گیا ہے تاکہ مزید قانونی کارروائی عمل میں لائی جا سکے۔
