سیکیورٹی ذرائع نے واضح کیا ہے کہ بانی تحریک انصاف عمران خان کی جانب سے چیف آف آرمی اسٹاف جنرل عاصم منیر کو کوئی خط موصول نہیں ہوا اور اسٹیبلشمنٹ کو ایسے کسی خط کو پڑھنے میں کوئی دلچسپی نہیں ہے۔
مہنگائی کی شرح میں نمایاں کمی، سعودی عرب نے 1.2 ارب ڈالر موخر ادائیگی پر تیل کی سہولت دی
تحریک انصاف کے دعوے کے مطابق عمران خان نے آرمی چیف کو خط لکھا ہے، تاہم سیکیورٹی ذرائع نے اس دعوے کو مسترد کرتے ہوئے کہا کہ یہ صرف ایک اور ناکام ڈرامہ کرنے کی کوشش ہے۔ ان کا کہنا ہے کہ اگر ایسا کوئی خط موجود بھی ہو، تو اسٹیبلشمنٹ اسے قبول کرنے یا پڑھنے میں دلچسپی نہیں رکھتی۔
سیکیورٹی ذرائع کا مزید کہنا ہے کہ اسٹیبلشمنٹ نے پہلے ہی واضح کر دیا ہے کہ تحریک انصاف یا کسی بھی سیاسی جماعت کو مسائل کے حل کے لیے سیاستدانوں سے رابطہ کرنا چاہیے، نہ کہ اداروں کو ملوث کرنے کی کوشش کی جائے۔