کراچی کے ویسٹ زون میں کرسمس کے موقع پر سیکیورٹی انتظامات کو فول پروف بنانے کے لیے ڈی آئی جی عرفان علی بلوچ کی زیر قیادت ایک اہم اجلاس ڈی آئی جی ویسٹ زون آفس میں منعقد ہوا۔
26ویں آئینی ترمیم کے خلاف شاہد خاقان عباسی کی درخواست، جوڈیشل کمیشن کو کام سے روکنے کی استدعا
اجلاس میں ایس ایس پی ویسٹ، ایس ایس پی سینٹرل، اور کرسچن کمیونٹی کے معزز نمائندگان نے شرکت کی۔ کرسچن کمیونٹی کے رہنماؤں نے اپنے علاقوں میں سیکیورٹی خدشات اور ضروریات پر تفصیلی گفتگو کی۔
ڈی آئی جی ویسٹ زون عرفان علی بلوچ نے اجلاس میں یقین دہانی کرائی کہ کرسمس کے موقع پر گرجا گھروں، عبادت گاہوں، اور کرسچن آبادیوں کی حفاظت کے لیے سخت اقدامات کیے جائیں گے۔ انہوں نے افسران کو حساس مقامات پر اضافی نفری تعینات کرنے اور موبائل و موٹر سائیکل گشت بڑھانے کی ہدایت کی۔
انہوں نے مزید کہا کہ بڑے پروگرامز کے انعقاد والے گرجا گھروں کے اطراف واک تھرو گیٹ نصب کیے جائیں گے اور سیکیورٹی کے خصوصی انتظامات کیے جائیں گے۔ کرسچن کمیونٹی کے رہنماؤں کے ساتھ قریبی رابطہ برقرار رکھنے کے لیے ایک واٹس ایپ گروپ بھی بنایا جائے گا تاکہ کسی بھی مسئلے کا فوری حل ممکن ہو۔
ڈی آئی جی ویسٹ نے واضح کیا کہ کرسمس کی تقریبات کے دوران شہریوں کی حفاظت پولیس کی اولین ترجیح ہوگی اور کسی بھی ناخوشگوار واقعے سے نمٹنے کے لیے تمام وسائل بروئے کار لائے جائیں گے۔
اجلاس کے اختتام پر کرسچن کمیونٹی کے نمائندوں نے پولیس کے اقدامات کو سراہتے ہوئے اپنے مکمل تعاون کی یقین دہانی کرائی۔