چیئرمین پیپلزپارٹی بلاول بھٹو زرداری نے کہا ہے کہ آئین سازی کی طرف بڑھ رہے ہیں، تقریباً اتفاق رائے ہوچکا ہے، کوشش ہے جلد از جلد اتفاق رائے سے آئینی ترمیم منظور کرالیں۔
سینیٹ اور خصوصی پارلیمانی کمیٹی کے اجلاس کا وقت تبدیل
پاکستان پیپلزپارٹی کی مشترکہ پارلیمانی پارٹی کے اجلاس سے خطاب کرتے ہوئے بلاول بھٹو نے کہاکہ ہماری کوشش ہے کہ سیاسی اتفاق رائے سے 26 ویں آئینی ترمیم کو مکمل کرکے میثاق جمہوریت میں عوام سے کیے گئے وعدے کو پورا کریں۔
انہوں نے کہاکہ عدالتی اصلاحات پر پیپلزپارٹی ،جے یوآئی اور مسلم لیگ کااتفاق ہوچکا ہے، ہم اپنی سیاسی طاقت سے آئینی ترمیم کرکے دکھائیں گے۔
انہوں نے کہاکہ مولانا فضل الرحمٰن صاحب کے جائز مطالبات اور شکایات گزشتہ رات وزیر اعظم کے سامنے رکھی ہیں۔