ناظم آباد پولیس نے گزشتہ رات ایک مقابلے کے بعد زخمی حالت میں گرفتار کیے گئے ملزمان کی شناخت وائرل ہونے والی CCTV فوٹیج کی مدد سے کرلی ہے۔ ایس ایس پی ڈسٹرکٹ سینٹرل کے مطابق، ملزمان کی شناخت عیسیٰ (زخمی) اور زوہیب (بلا ضرب) کے ناموں سے ہوئی ہے، جو 15 ستمبر کو ناظم آباد نمبر 3 گول مارکیٹ کے قریب ایک شہری محمد آصف کو لوٹنے کی واردات میں ملوث تھے۔
2030 تک 53 فیصد توانائی کا حصول قابل تجدید ذرائع سے ہوگا، پاور ڈویژن
تفصیلات کے مطابق، شہری محمد آصف جب اپنی فیملی کے ہمراہ گھر پہنچا تو ملزمان نے اسلحے کے زور پر اس کی موٹر سائیکل اور موبائل فون چھین لیا۔ واردات کا مقدمہ ناظم آباد تھانے میں الزام نمبر 423/2024 کے تحت دفعہ 392/397/34 ت پ کے تحت درج کیا گیا تھا۔ اس واردات کی CCTV فوٹیج وائرل ہوئی تھی جس کی بنیاد پر پولیس نے ملزمان کی شناخت کی۔
پولیس نے ملزمان کے قبضے سے شہری سے چھینی گئی موٹر سائیکل بھی برآمد کرلی ہے، اور ان کی گرفتاری درج مقدمہ میں شامل کی جائے گی۔