نیشنل ڈیزاسٹر مینجمنٹ اتھارٹی (این ڈی ایم اے) نے 26 جون سے 7 جولائی 2025 تک جاری رہنے والی بارشوں اور سیلاب سے ہونے والے نقصانات کی تفصیلی رپورٹ جاری کر دی ہے، جس کے مطابق ملک بھر میں مجموعی طور پر 79 افراد جاں بحق اور 140 زخمی ہوئے۔
کراچی: 51 خطرناک عمارتیں گرانے کا فیصلہ، حکومت متبادل رہائش کی پابند نہیں — شرجیل میمن
رپورٹ کے مطابق، سب سے زیادہ جانی نقصان خیبرپختونخوا میں 29 اموات کے ساتھ ہوا، جب کہ پنجاب میں 24، سندھ میں 15 اور بلوچستان میں 11 افراد جاں بحق ہوئے۔
زخمیوں میں 57 بچے، 48 مرد اور 35 خواتین شامل ہیں۔
مکانات کو نقصان:
بارشوں اور سیلابی صورتحال کے باعث
66 مکانات مکمل طور پر تباہ ہو گئے
123 مکانات کو جزوی نقصان پہنچا
این ڈی ایم اے نے متعلقہ ضلعی اور صوبائی اداروں کو متاثرہ خاندانوں کی فوری مدد اور ریلیف فراہمی کی ہدایت کی ہے۔
پی ڈی ایم اے کی بارشوں سے متعلق رپورٹ بھی جاری
پنجاب ڈیزاسٹر مینجمنٹ اتھارٹی (پی ڈی ایم اے) نے صوبے میں ہونے والی بارشوں کی تفصیلات بھی جاری کی ہیں۔ ترجمان پی ڈی ایم اے کے مطابق:
شیخوپورہ میں سب سے زیادہ 48 ملی میٹر بارش ریکارڈ کی گئی
لاہور میں 40 ملی میٹر
گوجرانوالہ 6، مری 5 اور فیصل آباد 4 ملی میٹر
سیالکوٹ 2، منڈی بہاؤالدین 1 ملی میٹر
اٹک، ٹوبہ ٹیک سنگھ، بہاولنگر، قصور اور بہاولپور میں بھی بارش ہوئی
مزید بارشوں کا امکان
ڈائریکٹر جنرل پی ڈی ایم اے عرفان کاٹھیا کے مطابق:
"مون سون بارشوں کا موجودہ سلسلہ 10 جولائی تک جاری رہنے کا امکان ہے، شہری حفاظتی اقدامات پر عمل کریں اور ایمرجنسی کی صورت میں ہیلپ لائن سے رجوع کریں۔”