کراچی (شوبز ڈیسک) — عیدالاضحیٰ پر پاکستان سمیت دنیا بھر میں ریلیز ہونے والی رومانوی کامیڈی فلم ’لو گُرو‘ نے باکس آفس پر تہلکہ مچا دیا، فلم نے ریلیز کے ابتدائی ویک اینڈ پر ہی ’دی لیجنڈ آف مولا جٹ‘ کو پیچھے چھوڑ دیا۔
وزارت بین الصوبائی رابطہ کے اسپورٹس منصوبوں کے لیے 1.17 ارب روپے مختص
شائقین کی جانب سے فلم کو بھرپور پذیرائی مل رہی ہے، خاص طور پر ہمایوں سعید اور ماہرہ خان کی اسکرین جوڑی کو بے حد پسند کیا جا رہا ہے۔ فلم کی شوٹنگ لندن میں کی گئی ہے اور کہانی میں رومانس، مزاح اور ثقافتی رنگ نمایاں ہیں۔
فلم کی نمایاں خصوصیات:
ہدایت کاری: ندیم بیگ
کہانی: واسع چوہدری
اداکار: ہمایوں سعید، ماہرہ خان
بینر: اے آر وائی فلمز
لوکیشن: لندن
مواد: رومانس، پشتو اور پنجابی مزاح، فنونِ لطیفہ
فلم میں ماہرہ خان کو ایک خوبصورت، بولڈ اور فنون لطیفہ سے وابستہ لڑکی جبکہ ہمایوں سعید کو ایک عشق باز شخصیت کے طور پر دکھایا گیا ہے۔
باکس آفس بزنس:
ویک اینڈ بزنس: 12 کروڑ روپے (’مولا جٹ‘ کا 11 کروڑ سے زیادہ)
پاکستان میں مجموعی بزنس: 13 کروڑ روپے
اوورسیز بزنس: 15 کروڑ روپے
مجموعی عالمی بزنس: 28 کروڑ روپے
فلمی ناقدین کا کہنا ہے کہ ’لو گُرو‘ نہ صرف ہلکی پھلکی تفریح فراہم کر رہی ہے بلکہ عید کی سب سے بڑی ہٹ فلم کے طور پر سامنے آئی ہے۔