کراچی (کرائم رپورٹر) ایڈیشنل آئی جی کراچی جاوید عالم اوڈھو کے احکامات کی روشنی میں پولیس کی انسدادِ جرائم کارروائیاں جاری ہیں۔ گزشتہ ہفتے کے دوران شہر بھر میں مختلف اضلاع میں 20 پولیس مقابلے ہوئے، جن میں ایک ڈاکو ہلاک جبکہ 20 زخمی ڈاکوؤں سمیت 28 ملزمان کو گرفتار کیا گیا۔
ڈسٹرکٹ ایسٹ پولیس کا جرائم پیشہ عناصر کے خلاف کریک ڈاؤن — 8 ملزمان گرفتار
ترجمان کراچی پولیس کے مطابق، گرفتار ملزمان کے قبضے سے 22 مختلف اقسام کا غیر قانونی اسلحہ، ایک کرولا کار اور آٹھ موٹرسائیکلیں برآمد کی گئیں۔
گزشتہ ہفتے کے دوران ایسٹ، ویسٹ اور ساوتھ زونز میں پولیس نے 928 سے زائد جرائم پیشہ افراد کو گرفتار کیا۔
پولیس کی منشیات کے خلاف مہم کے دوران مختلف علاقوں سے 20 کلو 228 گرام چرس، آئس (کرسٹل) اور ہیروئین برآمد کی گئی، جس کی مالیت لاکھوں روپے بتائی جا رہی ہے۔
علاوہ ازیں، لوٹ مار اور وارداتوں میں استعمال ہونے والا 113 سے زائد غیر قانونی اسلحہ بمعہ ایمونیشن بھی ضبط کیا گیا۔
کراچی پولیس نے مختلف علاقوں سے چھینی اور چوری شدہ 30 موٹرسائیکلیں بھی برآمد کیں۔
ترجمان کے مطابق، کراچی پولیس کی جانب سے امن و امان کی بحالی، شہریوں کے تحفظ اور جرائم کے خاتمے کے لیے کارروائیاں بھرپور انداز میں جاری رہیں گی۔