اے این ایف کا ملک بھر میں منشیات فروشوں کے خلاف کریک ڈاؤن، تعلیمی ادارے بھی نشانے پر

اینٹی نارکوٹکس فورس (اے این ایف) نے ملک کے مختلف شہروں اور تعلیمی اداروں میں منشیات اسمگلنگ کے خلاف کامیاب کریک ڈاؤن کرتے ہوئے 4 مختلف کارروائیوں کے دوران 7 ملزمان کو گرفتار کرلیا۔

کراچی پولیس کی مجرموں کے خلاف کامیاب کارروائیاں، بڑی تعداد میں گرفتاریاں اور اسلحہ و منشیات برآمد

کارروائیوں کے دوران مجموعی طور پر 45.956 کلوگرام منشیات برآمد کی گئی، جس کی مالیت ایک کروڑ 15 لاکھ روپے سے زائد بتائی جا رہی ہے۔

تعلیمی اداروں میں کارروائیاں:
اسلام آباد میں آئی جے پی روڈ کے قریب کارروائی کرتے ہوئے پشاور کے رہائشی 2 ملزمان کو گرفتار کیا گیا۔ ملزمان کے قبضے سے 20 کلوگرام آئس (کرسٹل میتھ) برآمد کی گئی، جو مہارت سے موٹرسائیکل کارٹ میں چھپائی گئی تھی۔ گرفتار ملزمان نے اعتراف کیا کہ وہ تعلیمی اداروں کے طلباء کو منشیات فروخت کرتے تھے۔

دیگر کارروائیاں:

اسلام آباد کے ٹھلیاں ٹول پلازہ پر کارروائی میں صوابی کے ایک ملزم اور کراچی کی دو خواتین سے مجموعی طور پر 24 کلوگرام چرس برآمد کی گئی۔

ایبٹ آباد کے قلندرآباد روڈ پر چترال کے رہائشی ایک ملزم سے 1 کلو 800 گرام چرس برآمد کی گئی۔

ملتان انٹرنیشنل ائیرپورٹ پر اے این ایف اور اے ایس ایف کی مشترکہ کارروائی کے دوران داخلی دروازے کے قریب ایک گاڑی سے 156 گرام نشہ آور گولیاں برآمد ہوئیں۔ ڈی جی خان کا رہائشی ایک ملزم گرفتار کیا گیا۔

تمام گرفتار ملزمان کے خلاف انسداد منشیات ایکٹ کے تحت مقدمات درج کرکے تفتیش کا آغاز کردیا گیا ہے۔