مہارت نیوز: عمر ایوب نے پاکستان تحریک انصاف (پی ٹی آئی) کے سیکریٹری جنرل کے عہدے سے استعفیٰ دے دیا ہے۔ ان کے استعفے میں اپوزیشن لیڈر کی ذمہ داریاں اور عدالتی پیشیاں سمیت دیگر وجوہات کا ذکر کیا گیا ہے۔ انہوں نے کہا کہ وہ بھاری ذمہ داریوں کی وجہ سے مستعفی ہو رہے ہیں، مگر وہ پارٹی ورکر کے طور پر کام جاری رکھیں گے۔
اسلام آباد میں 16 سال بعد پولیو کا کیس سامنے آ گیا
عمر ایوب نے بانی پی ٹی آئی عمران خان کا شکریہ ادا کرتے ہوئے بتایا کہ انہوں نے 22 جون کو بھی استعفیٰ دیا تھا جو منظور نہیں ہوا تھا، لیکن اب عمران خان نے ان کا استعفیٰ منظور کر لیا ہے۔
یاد رہے کہ 27 جون کو انہوں نے پی ٹی آئی کے سیکریٹری جنرل اور مرکزی فنانس بورڈ کے چیئرمین کے عہدوں سے بھی استعفیٰ دے دیا تھا، اور اس کا اعلان ’ایکس‘ پر کیا تھا۔
اپنے خط میں عمر ایوب نے عمران خان اور بیرسٹر گوہر سے کہا کہ وہ اپوزیشن لیڈر کی ذمہ داریوں کو بہتر طریقے سے نبھانے کے لیے سیکریٹری جنرل کے عہدے سے انصاف نہیں کر سکتے، اس لیے مستعفی ہو رہے ہیں۔ انہوں نے تجویز دی کہ پارٹی کا نیا سیکریٹری جنرل ایسا شخص ہونا چاہیے جو تنظیم نو کرے اور پارٹی کو آنے والے انتخابات کے لیے تیار کرے۔
تاہم، پی ٹی آئی کی کور کمیٹی نے عمر ایوب کا استعفیٰ منظور نہ کرنے کی سفارش کی ہے۔ پارٹی کی کور کمیٹی کے اجلاس میں تین اہم قراردادیں بھی متفقہ طور پر منظور کی گئیں۔