اسلام آباد سے کراچی کے لیے وزیر اعلیٰ سندھ کے سرکاری جہاز میں بغیر اجازت سفر کرنے والے دو افسران کو معطل کر دیا گیا ہے۔ ان افسران میں 17 گریڈ کے پی ایم ایس کیڈر کے سیکشن افسر سید فراز علی اور پروٹوکول افسر واجد شاہ شامل ہیں۔ دونوں افسران فیملیوں کے ہمراہ وزیر اعلیٰ کے سرکاری جہاز میں سفر کر رہے تھے، جس پر سندھ حکومت نے فوری طور پر کارروائی کرتے ہوئے ان کو معطل کر دیا۔
پاکستان میں توانائی کے شعبے میں انقلابی اقدامات: الیکٹرک گاڑیوں کے چارجنگ اسٹیشنز کا ٹیرف 45 فیصد کم
چیف سیکریٹری سندھ آصف حیدر شاہ کے مطابق، یہ جہاز ٹیسٹ فلائی کے طور پر کراچی آ رہا تھا اور معطل کیے گئے افسران بغیر کسی اجازت کے اس پر سوار تھے۔ ان کے اس عمل نے سرکاری پروسیجرز کی خلاف ورزی کی ہے۔ سندھ حکومت کی جانب سے نوٹیفیکیشن جاری کرتے ہوئے دونوں افسران کی معطلی کا اعلان کیا گیا ہے۔
