قائدآباد پولیس نے انٹیلیجنس معلومات کی بنیاد پر کارروائی کرتے ہوئے سواتی محلے میں ایک خفیہ گودام پر چھاپہ مار کر دو ملزمان، عبدالکریم اور نعمان، کو گرفتار کر لیا۔
کراچی سے روانگی میں متعدد ریل گاڑیاں تاخیر کا شکار، پاکستان ریلوے کی جانب سے معذرت
پولیس کے مطابق گرفتار ملزمان شہر کے مختلف علاقوں سے موٹرسائیکلیں چوری کرتے تھے اور انہیں گودام میں لے جا کر پرزے الگ کر کے فروخت کر دیتے تھے۔ کارروائی کے دوران ملزمان کے قبضے سے تھانہ لانڈھی کی حدود سے چوری شدہ موٹرسائیکل اور کئی دیگر موٹرسائیکلوں کے پارٹس برآمد کیے گئے۔
دورانِ تفتیش ملزمان نے متعدد موٹرسائیکلیں چوری کرنے کا اعتراف کیا۔ پولیس نے ملزمان کے خلاف مقدمہ درج کر کے مزید تفتیش شروع کر دی ہے۔